Produkto

Riba e página akí bo ta haña tur informashon tokante di e diferente produktonan ku bo tin mester pa kuido di bo kabei natural. Hopi hende ta buskando e 1 produkto milagroso enbes di wak kiko nan kabei tin mester di bèrdat. Si abo ta un di e hendenanki mi ke bisa bo aworaki, stòp di gasta bo tempu i sèn i usa e tempu ey pa konose i kompronde bo kabei. 
Mi ta rekomendá tur natural, ni maske kiko bo hairtype ta, pa kuminsa ku e siguiente produktonan akí. Nan ta total 7 produkto ku lo yuda bo tene e 'moisture - protein balance' di bo kabei balansá. Tur e produktonan akí lo yuda bo forma un rutina kompletu ku lo yuda bo kabei haña forsa, brio i lo hasi bo kabei mas manehabel.

#1

Clarifying shampoo

shop

'Clarifying shampoo'

Un ‘clarifying shampoo’ ta un shampu purifikante sin ingredientenan pa ‘moisturize. E shampu akí ta traha spesialmente pa saka tur vèt, produkto, beskein/bakteria i sushi for di bo kueru di kabes i kabei, i e ta laga bo kabei limpi limpi. Asina limpi ku bo kabei lo sinti seku i stram. Bo lo pensa ku ta daña el a daña bo kabei, pero e sekura ta indiká ku bo kabei ta limpi. Un shampu normal no ta kita tur vèt i produkto ku ta keda tras. Na momentu ku e produkto- i vètnan akumulá den e kabei, e ta wanta ménos vògt (moisture) i lo bira seku, slap, vèt i pèrdè forma mas lihé. 

Ta hopi importante pa usa un ‘clarifying shampoo’ ora ku bo disidi pa kuminsa usa produkto ku ingridiente limpi. Bo tin mester di e ‘clarifying shampoo’ pa saka restu di tur produkto i ingridiente malu pa asina bo kabei por absorbá e ingridientenan di bo produktonan nobo. Tambe bo tin mester di e shampu kada 4 pa 6 siman, pasobra na un sierto momentu tur produkto ku bo usa ta keda den e kabei.

*Bo lo ripará ku bo kabei mester di un ‘clarifying shampoo’ na momentu ku bo kaba lab’é i ainda e ta vèt, bo krùlnan tin ménos definishon, e produktonan normal ku bo ta usa pa stail bo kabei no ta yuda mas pa bo kabei keda ‘moisturized’ i bo kabei ta mustra i sinti pisá.

*E ‘clarifying shampoo’ bo ta apliká solamente den bo kueru di kabes i lag’é para pa minimal 3 minüt.

*Despues ku bo usa e 'clarifying shampoo' bo mester usa un ‘deep-treatment.’ E deep-treatment lo trese e moisture i proteina ku bo a kaba di pèrdè, bèk den bo kabei.

'Moisturizing shampoo'

Un 'moisturizing shampoo' ta miho konosí komo un shampu "normal". Kompará ku e 'clarifying shampoo' eta mas suave pasobra e ta kontené ingridiente 'moisturizing'. E tipo di shampu akí ta limpia bo kabei i kueru di kabes sufisiente durante di e simannan ku bo no ta usa un 'clarifying shampoo'.

*Un bon 'moisturizing shampoo' ta sin sulfaten i pa e motibu ey no ta seka e kabei mes tantu ku un shampu ku sí ta kontené sulfaten. Komo ku shampu ta algu ku bo ta usa tur siman pa limpia bo kabei i kueru di kabes, ta importante pa bo prefení di usa un ku ta seka bo kabei mas.

*E 'moisturizing shampoo' bo ta apliká solamente riba bo kueru di kabes (meskos ku e 'clarifying shampoo') i bo ta lag'é para por lo menos 3 minüt promé ku bo hawa bo kabei. Si bo kabei ta hopi sushi bo ta aplik'é riba bo puntanan tambe.

#3

'Cowash'

'Cowash’ ta para pa ‘Conditioner Wash,’ loke kemen ku bo ta usa un ‘conditioner’ purifikante pa bo laba bo kabei, na lugá di un shampu. 

'Cowash'

'CoWash’ ta para pa ‘Conditioner Wash,’ loke kemen ku bo ta usa un ‘conditioner’ purifikante pa bo laba bo kabei, na lugá di un shampu. E ‘coWash’ bo ta usa na e momentunan ku bo ta laba kabei sin usa shampu. Bo ta hasi esey pa prefení ku bo kabei ta bira muchu seku dor di uso di shampu. Ami ta rekomendá pa 'switch' entre e 'moisturizing shampoo' i e 'coWash'. Lagá mi duna un ehèmpel: Laga nos bisa ku bo ta laba bo kabei kada 4 dia, eorey bo ta laba kabei awe ku e 'moisturizing shampoo' i aki 4 dia ku e 'coWash'. Asina bo ta kambia entre nan kada bia ku bo laba kabei. Asinaki bo ta tene bo kabei limpi sin seka bo kabei muchu.

NA KUA MOMENTU COWASH TA BON?

1. Ora ku bo a kaba di kuminsá ku e transishon i botin kabei hopi seku/kibrá.

2. Ora ku bo tin kabei hopi seku pero bo ke laba bo kabei mas ku 1 bia pa siman

3. Ora ku bo ta landa hopi dia tras di otro i bo tin ku laba kabei tur dia

4. Ora ku bo kabei tin muchu proteina.

*Laga e ‘coWash’ tambe para 3 minüt den bo kabei (no riba bo kueru) i spula esaki bon afó pa e restu no akumulá den bo kabei. Despues ku bo kaba saka e ‘co-wash,’ apliká un ‘conditioner’ normal i despues spula esaki afó. Mas informashon tokante di 'conditioner' bo por lesa mas abou.

#4

'Deep-treatment'

E ‘deep-conditioner’ ta un di e stapnan mas importante den e kuido di kabei natural. E uso regular i konsiente di un ‘deep-conditioner’ ta yuda e kabei krese, hasi e kabei fuerte, laga e kabei mantené su brio i ta minimalisá sekura.

'Deep-conditioner'

Despues ku bo a laba bo kabei, ta momentu pa apliká un ‘deep-conditioner.’ Un 'deep-conditioner' ta un conditioner intenso. E ta yená ku zeta, proteina i ingridiente ku ta yuda e kabei mantene 'moisture'. Ingridientenan manera honing, avocado, awa di aros i glycerin. E ‘deep-conditioner’ ta un di e stapnan mas importante den e kuido di kabei natural. E uso regular i konsiente di un ‘deep-conditioner’ ta yuda e kabei krese, hasi e kabei fuerte, laga e kabei mantené su brio i ta minimalisá sekura. Si mi tin ku rekomendá 1 produkto, mi lo rekomendá e 'deep-conditioner', no salta esaki pa nada! 

E 'deep-conditioner' bo ta apliká despues di e shampu òf coWash anto bo ta lag'é den bo kabei entre 30 pa 45 minüt. Finalmente, laba bo kabei ku awa friu pa saka e tratamentu i apliká un 'conditioner'.

*Ta sumamente importante pa mantené e balansa entre ‘moisture’ i proteina. Ta p’esei bo mester tene bon na kuenta tantu kiko bo kabei ta indiká bo, komo e ingredientenan ku tin den e produktonan ku bo ta usa. Si ta posibel, mi ta rekomendá pa bo tin un variashon di deep-conditioner. Un KU proteina i un SIN proteina òf ku menos proteina, pa asina bo por switch entre nan i tene bo kabei den balansa.

*Bo mester pensa tambe kon frekuente bo ke usa ‘deep-conditioner’ pasobra esaki no mester tuma lugá riba tur ‘washday.’ Sí mi ta konsehá pa usa esaki minimal 1 biaha pa siman. Determiná tambe kon largu bo ke laga e ‘deep-treatment’ para den bo kabei; mi ta konsehá pa laga esaki para minimal 20 minüt i maksimal 60 minüt. 

#5

Conditioner

Nos tur sa ku un 'natural' no por sin su rins. E ta e produkto ku ta kaba promé ku tur kos.

'Conditioner'

Si bo tin kabei krùl conditioner ta algu ku bo tin sigur sigur. Conditioner ta wòrdu usá pa saka bruwa kune, pero eigenlijk e por wòrdu usá pa hopi mas. Un bon conditioner por asta sirbi komo un deep-conditioner si bo pone zeta i otro ingridiente natural aserka. Un bon conditioner no ta kontené 'silicon'. Mas tokante di esaki bo por lesa riba e página 'ingridiente'

BO POR USA BO CONDITIONER NA E SIGUIENTE MANERANAN:

1. Apliká bo conditioner promé ku bo laba kabei i saka bruwa mas fasil, sin kibra bo kabei. Mi ta rekomendá esaki solamente pa ora ku bo tin kabei hopi seku, fragil òf si bo tin hopi bruwá, por ehempel ora ku bo a kaba di saka kabei falsu.

2. Apliká bo conditioner despues di bo deep-treatment i lag'é para pa 3 minüt. Hawa e conditioner ku awa friu.

3. Usa e conditioner komo deep-treatment, si den e instrukshon nan ta bisa ku esey ta posibel. Si bo pone zeta òf ingridientenan natural aserka outomátiko bo por usa e conditioner komo deep-treatment. Djis lag'é den bo kabei pa mas tempu.

4. Usa e conditioner komo leave-in, si den instrukshon nan ta bisa ku esey ta posibel.

#6

styling products

Produktonan pa style bo kabei despues di laba. E produktonanki ta buta ku bo kabei ta keda moisturized, ku e krülnan ta mantene brio i ta keda riba nan kurpa.

'Styling products'

Ora ku mi haña pregunta tokante di produkto pa kabei natural, esakinan ta e produktonan ku hende ta kere ku mi lo rekomendá. Hopi hende ta kere ku si bo haña un bon krema pa bo kabei bo tin tur lokual ku bo tin mester. Awor akí bo sa mihó! E latstu produktonan ku mi ta rekomendá ta un bon 'cream' òf 'leave-in' i un bon 'gel'. E styling produktonan korekto, pa bo kabei, lo tene bo kabei ‘moisturized’, defined i ku brio. Pa e miho resultado bo ta kuminsa ku un cream of leave-in komo base. Riba e base bo ta alpiká un gel. Ta hopi importante pa bo aplika e produktonan den e orden akí. E kombinashon di produkto ta varia pa kada 'hairtype'. E cream of leave-in lo duna bo kabei e 'moisture'/vògt ku e tin mester i e gel lo tene e krulnan den luga. El o protehá e krùlnan for di bientu, solo i awa seru. Pa e motibu ey ta hopi importante pa bo usa un bon 'gel' kombiná ku un bon krema. 

*Un bon cream, leave-in of 'gel' ta sin siliconen of alkohol. Tur e produktonan riba e wèbsait akí ta sin siliconen of alkohol.

*Pa bo haña bon resultado bo tin mester di produkto ku bon ingridiente. I banda di bon ingridiente e produktonan mester ta traha pa bo tipo di kabei. I finalmente e produktonan mester wordu apliká na e manera korekto. Pa mas informashon tokante di 'hairtypes' 'click' akí.