Hairtype 4 - kinky/coily

'Hairtype 4' mihó konosí komo kabei kinky/afro, ta hopi fini, delikado. E tipo akí ta hopi será i e krùlnan ta gròf i ta pegá den otro. E tipo akí ta parse duru i fuerte pero en realidat e tipo akí ta e kabei mas delikado ku tin paso e tin menos 'laagjes'pa proteh'é kontra di sekura. E prekupashon mas grandi ku e 'hairtype' akí ta mantene e kabei 'moisturized' pero tambe prefení pa e kabei haña kònòpi i minimalisá 'shrinkage'. Algu típiko di e 'hairtype' akí ta ku e krùlnan ta hopi di pak riba otro. Tambe e tipo akí no tin hopi brio ora ku e ta salú. E ta sinti hopi sòft si. E 'hairtype' akí ta partí den 3 subkategoria.

4A

E tipo aki ta hopi strak lorá, ora ku e wordu di rek e tin forma di 'S' visibel. E krulnan, miho konosí komo 'coils' ta fini of bruwá den otro ku grandura di un angua di 'crochet'. Tin hende ta bisa ku e 'coils' tin struktura di 'suikerspin'.

4B/C

E tipo aki tin huki mas skerpi den forma di 'Z' enbes di krul ku forma di spiral. E struktura di e tipo aki ta mas strak i tin menos definishon, banda di esey e tin grandura di un pen. E tipo aki tin asina tantu 'shrinkage' ku e kabei ora ku e ta seku, a perde 70% di su largura original.

4C

E hairtype aki tin hopi kos similar ku tipo 4B, pero e tin menos definishon i mas '’shrinkage'. E tin 'coils' strak ku ta hopi fini i soft of hopi será anto grof. E tipo akí ta hopi delikado.

Kon pa skohe produkto pa bo hairtype

Si bo no a lesa e informashon tokante di produkto i ingridiente ahinda, mi ta rekomendá bo pa hasi esaki promé komo ku e lo yuda bo komprondé e informashon ku ta bin.

Hairtype 4 i produkto

clarify

E 'hairtype' akí ta hopi seku i no por wordu labá muchu. Kada bes ku bo laba kabei ku un clarifying shampoo e ta seka hopi, pa e motibu akí mi ta rekomenda pa usa e tipo di shampoo akí kada 6 siman.

shampoo & cowash

Switch entre un shampu regular (moisturizing shampoo) i cowash kada bes ku bo laba kabei. E shampu regular por seka e kabei si bo us'é tur siman. Mi rekomendashon ta pa cowash 2 siman i laba ku un shampu regular e siman despues. Despues bolbe cowash pa 2 siman.

conditioner

Pa e 'hairtype' akí conditioner ta hopi importante! Usa un bon conditioner sin siliconen of alkohol tur bia ku bo mester saka bruwá. Apliká e conditioner riba kabei muwa, prome ku bo apliká shampu, anto saka e bruwanan prome ku bo laba bo kabei ku e shampu. Bolbe apliká conditioner ora ku bo spula e deep-treatment.

deep-treatment

Pa tur 'hairtype' un deep-treatment ta sumamente importante i na niun momentu bo no mester salta esaki riba 'washday'. Komo ku e tipo di kabei akí ta hopi seku ta ekstra importante pa buska 1 of 2 bon deep-conditioner pa bo usa regularmente.

cream & gel

E 'hairtype' akí tin mester di un bon cream ku hopi 'moisture'. Mas será e kabei bira mas moisture e tin mester. Bo por hana mas moisture dor di kombina un leave-in ku un cream i butter of zeta. Apliká e leave-in prome, e butter riba dj'é i un cream pa 'seal' tur e moisture den e kabei. Si bo tin hairtype 4A un gel por tra hopi bon si bo aplik'é te na final (riba e leave-in, butter i cream).

butters & oils

Pa e hairtype akí butter i zeta ta un ekstra stap importante. Tipo di zetanan i butter ku ta bon pa e 'hairtype' akí: castor oil | jamaican black castor oil | zeta di koko | zeta di oleifi | shea butter | mango butter

Carefully selected for kinky/coily hair