Hairtype 3 - curly

'Hairtype 3', mihó konosí komo kabei 'curly' por konsistí di krùlnan lòs, krùlnan strak i krùlnan ku nos konose komo 'pijpenkrullen'. E tipo di kabei akí ta hopi bia un kombinashon di e strukturanan menshoná ariba. Esaki ta nifika ku si bo tin e tipo di kabei akí bo por tin krùl lòs i krùl será.  'Haartype 3' ta bira hopi lisu ora ku e muha, pero ta kuminsa forma krùl ora ku e seka. E ta e tipo di kabei ku ta mas fásil pa manipulá komo ku bo por hasi'é lisu fásil ku tang. Banda di esey e tipo di kabei akí ta lombra hopi i ta hopi 'bouncy' ora ku e ta salú. Bo por rekonosé e tipo di kabei akí na e kantidat di volüm ku e tin ariba, serka di e rais i e manera ku e ta krese bai ariba enbes di kai rondó di e kara. E tipo akí tambe ta partí den 3 subkategoria:

3A

Esaki ta krùl grandi, habrí ku hopi brio. E krùlnanki tin grandura di krèit di stupi. E krùlnan tin mas forma di lèter S. E tipo di kabei akí tin menos krùl ora ku e ta kòrtiku i mas ora ku e ta mas largu.

3B

E tipo aki tin krul 'bouncy' ku ta paresido ku 'pijpenkrullen'. E 'hairtype' akí tin hopi volumen i e krùlnan tin grandura di “Sharpie marker”. Tambe e struktura di e 'hairtype' akí por ta mas será i mas gròf.

3C

E 'hairtype' akí tin hopi kos similar ku tipo 3B, pero e krùlnan ta mas gròf/kroes anto e krùlnan ta mas chikitu i strak. E tipo akí bo ta rekonose dor ku e krùl ta hopi será ku grandura manera un pòtlot of pipa. E tipo akí tin mas volumen ku tur e tipo 3 nan i huntu ku esey mas 'shrinkage' tambe.

Kon pa skohe produkto pa bo hairtype

Si bo no a lesa e informashon tokante di produkto i ingridiente ahinda, mi ta rekomendá bo pa hasi esaki promé komo ku e lo yuda bo komprondé e informashon ku ta bin.

Hairtype 3 i produkto

clarify

Pa tene bo kuero di kabes limpi i prefení ku e produktonan ku bo usa ta hasi bo kabei pisá, ta importante pa bo usa un clarifying shampoo maske ta 1 bia pa luna. Riba e otro dianan bo ta laba kabei ku un shampu regular òf cowash.

shampoo & cowash

E 'hairtype' akí no ta bira vèt òf seku hopi lihe. Pa e motibu ey e tipo akí por wòrdu labá 2 bia pa siman, pero tambe solamente 1 bia pa siman. Esaki ta depende di e kondishon di bo kabei. Si bo kabei ta mas dañá mi ta rekomendá pa bo laba kabei kada 4 òf 5 dia. Asina bo sa sigur ku bo kabei ta haña sufisiente alimento. Si e kondishon di bo kabei ta bon, 1 bia pa siman ta sufisiente. Switch entre un shampu regular (moisturizing shampoo) i cowash kada bes ku bo laba kabei. E shampu regular por seka e kabei si bo us'é 2 bia pa siman. 

conditioner

Pa e 'hairtype' akí conditioner ta hopi importante! Usa un bon conditioner sin siliconen of alkohol tur bia ku bo mester saka bruwá. Usa bo conditioner tambe pa saka bruwá prome ku bo apliká shampu anto komo delaster stap despues di bo deep-treatment.

deep-treatment

Pa tur 'hairtype' un deep-treatment ta sumamente importante i na niun momentu bo no mester salta esaki riba 'washday'. Buska 1 of 2 bon deep-conditioner pa bo usa regularmente. Mi ta rekomendá pa usa un deep-treatment tur bia ku bo laba kabei.

cream & gel

Pa e 'hairtype' akí ta basta fásil pa skohe produkto. Bo por usa kasi tur tipo di produkto i tur tipo di kombinashon basta bo tene kuenta ku e kantidat di kabei ku bo tin. Si bo tin kabei fini ku ta tiki, bo tin ku ta koutelóso ku kremanan diki, zeta diki i gelnan ku ta hopi diki òf vèt. Mas será i hopi bo kabei ta (hairtype 3C), mas bo kabei por soportá krema i gelnan diki.

oils

E 'hairtype' akí por benefisía hopi di zetanan fini pero tambe zetanan diki. Zeta por wòrdu usá pa pre-poo; prepará e kabei pa shampu, kuné. Pa duna e kabei brio meimei di 'washday', pa saka bruwá kuné i pa hasi e kabei sòft si e 'gel' seka duru.

Carefully selected for curly hair