Hairtype 2, mihó konosí komo kabei 'wavy' no ta lisu ni yená ku krùl. E 'hairtype' akí por ta ola habrí, por tin un S-patroon i por tin akí aya un par di krùl. Banda di esey e 'hairtype' akí ta kologá mas tantu dilanti, ta kai rondó di kara i e krùlnan ta forma mas tantu na e puntanan di e kabei. 'Hairtype 2' ta partí den 3 subkategoria:
2A
E tipo akí tin ola ku ta lisu i fini ku un struktura habrí.
2B
E tipo akí ta mas tantu lisu parti ariba pero ta forma e lèter S for di mas meimei te na punta. E ta mas 'frizzy' na e korona.
2C
E tipo akí ta forma ola definí for di ariba i ta parse kabei krùl mas tantu. Tambe e tipo akí ta diki i ta bira 'frizzy' mas rápido.
Kon pa skohe produkto pa bo hairtype
Si bo no a lesa e informashon tokante di produkto i ingridiente ahinda, mi ta rekomendá bo pa hasi esaki promé komo ku e lo yuda bo komprondé e informashon ku ta bin.
clarify
E 'hairtype' akí ta fini i por bira vet mas lihé. Pa e motibu ey e tipo akí tin ku wordu labá mas tantu. Pa tene bo kuero di kabes limpi i prefení ku e produktonan ku bo usa ta hasi bo kabei pisá, ta importante pa bo usa un clarifying shampoo kada 2 siman of si bo kabei ta hopi seku, 1 bia pa luna.
shampoo & cowash
Switch entre un shampu regular (moisturizing shampoo) i cowash kada bes ku bo laba kabei. E shampu regular por seka e kabei si bo us'é tur bia ku bo laba kabei. Mi rekomendashon ta pa bo laba kabei kada 3 of 4 dia, dependé di e kantidat di produkto ku bo ta usa. Usa shampu regular 1 dia i cowash e siguiente bia ku bo laba kabei, despues bolbe usa e shampu regular. Keda switch entre nan dos te ora ku ta tempu pa clarify atrobe.
conditioner
Pa e 'hairtype' akí conditioner ta hopi importante! Usa un bon conditioner sin siliconen of alkohol tur bia ku bo mester saka bruwá. Bo por laga untiki di e conditioner den bo kabei ora ku bo kaba di laba kabei, djis sea kouteloso ku conditioner ku ta hopi diki paso esaki por hasi bo kabei pisá.
deep-treatment
Pa tur 'hairtype' un deep-treatment ta sumamente importante i na niun momentu bo no mester salta esaki riba 'washday'. Komo ku e tipo di kabei akí ta mas fuerte i ta wordu labá mas bia, bo por skohe pa salta e deep-treatment si bo ta laba kabei kada 3 dia. Eorey 1 dia bono ta hasi deep-treatment i 2 dia sí. Buska 1 of 2 bon deep-conditioner pa bo usa regularmente.
leave-in & gel
E hairtype akí no ta bai bon ku tur tipo di krema, leave-in of gel. Ta hopi importante pa bo skohe produkto ku no ta muchu diki. Mi ta rekomendá produkto manera: mousse, gel, leave-in spray i leave-in mas awa. Pa e 'hairtype' akí bo por skohe pa usa un gel of mousse so tambe. Prefení uso di produktonan manera cream, souffle of custard, komo ku nan ta hopi vèt i lo hasi e kabei pisá.
oils
Pa e 'hairtype' akí zeta por ta bon pa ora di 'pre-poo': prepará pa laba kabei, pero si bo usa muchu zeta bo kabei ta bira vet más lihé i eorey bo tin ku clarify mas tantu, kual ta seka bo kabei. Eksperimentá ku zeta pero keda leu for di e siguiente zetanan: castor oil | jamaican black castor oil | zeta di oleifi | i tur tipo di butter.
BounceCurl Light Cream Gel 8Oz.
This is a light weight styling hair gel that is infused with extracts of nourishing ingredients. This product does have a holding ingredient in here to help define your curls. It is mostly a gel with a little bit of cream. 80% Gel and 20% cream. It will leave your hair feeling weightless and it will lock your curl shape in for a long time, reducing frizz. This light formula will not weigh your hair down and it will allow you to create volume. Black seed oil is one of the secret middle eastern oils that has been used by my family and I for many years. This oil restores, shines, and has some anecdotal evidence in giving the appearance of longer hair. This oil has many other benefits.
This product does not mix with ALL hair brands.
Tene na kuenta ku e produkto lo duna bo resultado maksímo solamente si:
E ta pa bo hairtype | bo apliká e produkto korekto den bon kombinashon | bo tin un rutina balansá. E produkto riba su mes NO por hasi milager.
